На данной странице собраны познавательные стихи про детей на белорусском языке, которые познакомят малышей и школьников с удивительными стихами на белорусском языке.

 

 

Лёг у лесе 

Белы снег. 

І па снезе 

Нехта бег. 

Адмысловыя 

Сляды 

Прывялі мяне 

Сюды. 

Бачу, недалёка 

Гойсае Сарока. 

– Добры дзень, – 

Кажу куме, – 

Падкажы, 

На ласку, мне, 

Хто хадзіў 

Каля хваінаў 

І глыбокі след 

Пакінуў? 

І кума 

За разам раз 

Стракатала 

Мне ў адказ: 

– Я тут днюю 

І начую, 

Я ўсё бачу, 

Я ўсё чую. 

Дзед Мароз, 

Чырвоны нос, 

Падарункі 

Дзеткам нёс. 

Ён спяшаўся, 

Як штогод, 

Каб паспець 

На Новы год! 

 

 

Весялушка-сакатушка 

Нашаптала мне на вушка, 

Што прыехаў Чарадзей 

Весяліць усіх дзяцей. 

З Новым годам ён віншуе, 

Падаруначкі даруе. 

Падарункаў цэлы воз! 

Хто ён, дзеткі? 

– Дзед Мароз! 

 

 

 

Сонца нiзенька зусiм

Па-над небакраем,

I, здаецца, можна з iм

Стрэцiцца за гаем.

Гаснуць промнi – i за лес 

Медны шар садзiцца

Адпачыць за ноч, каб лепш

Заўтра засвяцiцца.

 

 

 

Ідзе вясна ўжо, дзякуй Богу!

Згінуў снег з сырой зямлі;

Папсавала гразь дарогу,

Перавалы загулі.

 

Сонца грэе, прыпякае;

Лёд на рэчцы затрашчаў.

Цёплы вецер павявае,

Хмар дажджлівых нам прыгнаў.

 

Вось і бусел паказаўся,

Гусі дзікія крычаць,

Шпак на дубе расспяваўся,

Жураўлі ужо ляцяць.

 

I зіма, як дым, прапала!

Зелянее луг, ралля.

Як ад болю, ачуняла

Наша родная зямля.