На данной странице собраны познавательные стихи на белорусском языке для 3 класса, которые познакомят малышей и школьников с удивительными стихами на белорусском языке.

 

 

Барада, 

Кажух стары, 

Ускудлачаны парык, 

 

Накладны чырвоны нос: 

Мой дзядуля – 

Дзед Мароз. 

 

Кій лазовы 

У руках, 

Мех пудовы 

На плячах. 

 

З хаты ў хату 

Туп-туп-туп. 

Дзед вясёлы 

Тут як тут. 

 

На Каляды ён 

Штогод 

Водзіць з намі 

Карагод. 

 

Падарункі дзетвары 

Дорыць 

Добры дзед стары. 

 

Раз у годзе – 

Усур’ёз – 

Мой дзядуля – 

Дзед Мароз. 

 

А мінецца Новы год, – 

Ён – 

Звычайны дзед Хвядот. 

 

 

 

У зімы тры сыны: 

Снежань, 

Студзень, 

Люты. 

Як адзін – усе яны 

У ільды закуты. 

 

Снежань снежыць – 

Вецер смешыць. 

 

Студзень студзіць – 

Сцюжы будзіць. 

 

Люты вые і лютуе – 

Ад вясны снягі вартуе. 

 

 

 

У Завосьсі залатая восень,

А халера ў залатым Стамбуле.

І табе ўжо не прыйсьці ў Завосьсе –

Сьмерць цябе, паэт, не абмінула

 

На чужыне, дзе шукаў ты волю,

Нібы рыфмы звонкія ў санэты.

І цябе й тваю аплачуць долю

Філаматы ўсе і філарэты.

 

І згараць, нібыта грэшнасьць, вершы,

Што пісаў на беларускай мове.

І сябе палякам назавеш ты,

Роднасьць зь Беларусьсю не адмовяць

 

Беларусы, бо ты наш, як неба

І як сонца ў небе над Завосьсем,

Што залоціць павуціны срэбра,

Што ляціць, як праз агонь, праз восень

У самотны і вясёлы Кракаў,

Як паэзія – ў душу палякаў...