На данной странице собраны познавательные стихи про природу на казахском языке, которые познакомят малышей и школьников с удивительными стихами на казахском языке.

 

 

Желсіз түнде жарық ай,

Сәулесі суда дірілдеп,

Ауылдың жаны терең сай,

Тасыған өзен күрілдеп.

Қалың ағаш жапырағы

Сыбырласып өзді-өзі,

Көрінбей жердің, топырағы,

Құлпырған жасыл жер жүзі.

 

Тау жаңғырып, ән қосып

Үрген ит пен айтаққа.

Келмеп пе едің жол тосып

Жолығуға аулаққа?

 

Таймаңдамай тамылжып,

Бір суынып, бір ысып,

Дем ала алмай дамыл қып,

Елең қағып, бос шошып.

 

Сөз айта алмай бөгеліп,

Дүрсіл қағып жүрегі,

Тұрмап па еді сүйеніп,

Тамаққа кіріп иегі?

 

 

 

Сансыз көкек сұңқылдап,

Көктем келді ертелеп,

Нәзік үнмен сыңқылдап,

Бұйра бұлақ еркелеп.

Асау өзен арқырап,

Асқар таудан дүркіреп,

Айдын жатыр жарқырап,

Алды дала бір түлеп.

Көкте бұлттар күркіреп,

Жерге төкті өрмегін.

Жауды жаңбыр сіркіреп,

Мейірленіп жерге күн.

Естіп аспан дауысын,

Асыққандай гүл шығып,

Андып бұлттар аңысын,

Колхозды ауыл құлшынып.

Алақанын тұр жайып

Жас ағашта жапырақ,

Балғын өмір ғажайып

Жас дауыспен жамырап.

Еңбек ата жүр елде

Егінжайда ту ұстап,

Қара бұйра кілемге

Алтын шашып уыстап.

Темір тепшіп ер терлеп,

Трактор сүйреп даланы,

Бүгінгіден ертеңге

Алып кетіп барады...

Көктем күйін бастады

Өз өнерін асыра.

Қысты қуып тастады

Асқар таудың басына.

 

 

 

Егіннің ырыс сыйлар бай танабы,

Самалмен жайлап қана жайқалады.

Елестеп көз алдымда тay-тay астық,

Көңілім молшылықтан жай табады.

Қыр жолы бара жатыр жыраққа алып,

Егінжай барлық сырын тұр ақтарып.

Ақ бидай кабинаға үңіледі,

Асығыс сапар жайын «сұрап» қалып.

Егінжай жетелейді алға дәйім,

(Қашанда далама мен сай болайын).

Осынау байтақ байлық авторлары,

Диқандар, өздеріңнен айналайын!

Диқанның күні сынақ, айы сынақ,

Жүрелік егінінің жайын сұрап.

Ал қазір өсірген сол мол астықтан

Тұрғандай жердің белі қайысып-ақ.

Егінжай, тек егінжай, қайда қара,

Алтын дән, тек алтын дән ойда дара.

А қтілеу анамызды қуантайық,

Тезірек машинаңды айда, бала!