На данной странице собраны познавательные стихи про лето на татарском, которые познакомят малышей и школьников с удивительными стихами на татарском языке.

 

 

Җиләкләр беткән чаклар,

Шомыртлар кипкән чаклар.

Бәрәңге үскән чаклар,

Алмалар пешкән чаклар.

 

Миләшләргә бүрек-бүрек

Кызыл ут капкан чаклар.

Арыш башакларын уып,

Куаныч тапкан чаклар.

 

Белдеңме инде син, дус,

Төрле-төрле эшләпәле

Гөмбәләр үскән чаклар.

 

Бөтен авыл белән бергә

Уракка төшкән чаклар.

Өем-өем помидорлар

Кызарып яткан чаклар.

 

Җир җимертеп болыннарда

Колыннар чапкан чаклар.

Менә нинди ул август!

 

 

 

Әйтерсең лә качыш уйный

Гөмбәләр безнең белән.

Мин ул шаян гөмбәләрне

Бик оста эзли беләм.

 

Ак, ал, кызыл гөмбәләрне

Табам да кисеп алам,

Мин аларны һич бутамыйм,

Җайлап, кәрзингә салам.

 

Тик чебен гөмбәсе кебек

Агулысын өзмимен.

Нәкъ апабыз әйткәннәрен -

Яхшыларын эзлимен.

 

 

 

Җәй дә үтәр, көз дә җитәр,

Туңар ул чак курчагым.

Салкын килгәч ябынырга

Сырып куйыйм юрганын.

 

Мамыкка ник аптырарга?

Җыям ишегалдыннан,

Ап-ак булып җир өстенә

Яуган бит ул топольдән.

 

Бөдрә чуклы яшел тополь

Кыш киләсен белгәнме?

Әллә курчагыма юрган

Сырасымны сизгәнме?