На данной странице собраны познавательные стихи про лето на казахском языке, которые познакомят малышей и школьников с удивительными стихами на казахском языке.

 

Жазды  ыстық  сүйемін,

Сайраңдап жүремін.

Суына шомылам,

Күніне күйемін.

 

 

 

Жаз жайлау неткен кең еді.

Жұпарын желмен төгеді.

Балдырған тілді бұлақтар

Құлдилап шауып келеді.

Ұшқан құсқа сорғалап,

Жаяды төсін шартарап.

Құлын, тай тұрмас орнында

Бір-бірін қуып, жорғалап.

Жұмыртқадай ақ үйлер,

Төгіліп тұрған ән күйлер.

Жұп - жұмсақ алақанымен

Жаз жайлау, бәрін-әлдилер.

 

 

 

Таң бұзып тынышымды жіберді деп,

жазғы түн кетерінде түнерді кеп.

Жер-ару серпігенде түн көрпесін,

маужырап қарап тұрды Күн елжіреп.

Гүл бөлеп хош иіске атырабын,

ағаштар жайып салды жапырағын.

Самал жел сыбырласа, сыр ұрласа, -

өзенде мың бұралып жатыр ағын.

Төсінен терсек тағы қызғалдақты,

басында заңғар таудың ызғар қапты.

Шыдамай жаздың жастық жалынына,

ойнақтап ерке бұлақ құздан да ақты.

Сұлулар суға барған сайға бұғып,

қарайды көлдің бетін айна қылып.

Шіркін, жаз, жомартсың-ау базарлыққа

бересің жан біткенге жайдарылық!

 

 

 

Аптапқа шашым шарпылып,

Тарады желдің тарағы.

Бұталар құмға малтығып,

Қараңдап кетіп барады.

Солардың мен де бірі боп,

Кешемін ойдың ақ құмын

Тұрды да тауда дірілдеп,

Мұңыма келіп батты күн.

Мың сауал қойдым.

Ұлық күн

бір жауап айтар түрі жоқ.

Қолыма қысқан үміттің,

Сабағы қалды гүлі жоқ.

Көлік қып жолға алғаным,

Көңілдің сынық күймесі.

Ағытылады алда мың,

Жейделі күннің түймесі.

Жанды да сөнді сәуле бір,

Айналды сосын сағымға.

әлекке түскен әуре-Өмір,

өлеңге ен де, дамылда.