На данной странице собраны познавательные стихи на марийском языке, которые познакомят малышей и школьников с удивительными стихами на марийском языке.
Стихи на марийском языке
Изи йочалан
Ӧртньыр ден ӧрынчак,
Пала гын кӧ тунар,
Паша деч ончычак
Пеш кӱлешан ӱзгар.
А имньым шӧрмыч кыл
Вурс сорлык ден пырля,
Торешыжым луктыл,
Йортен каяш темла.
Сандене шӱштӧ лупш
Тугак, изи йоча,
Тореш лияш ок ӱж,
Мут колышташ вуча.
***
Кеҥеж
Эрдене шып гына кайыш,
пеленже тӱтаным наҥгайыш.
Тудо тул гай йӱлен чот когаргыш
да чыла почешыже каргыш.
Кызыт тудо уремысе йӱр,
шыжа да шыжа, ок кой тӱр.
Тӱням темен вош койшо вӱр,
кумалтыш мут гае ар, ир.
***
"Азам шырчаште муыда" манмым
Ме Библий чын книгаште лудына...
Рошто пайрем! Исус шочын манын,
Ме икте-весынам саламлена!
Ӓврат мут дене туныкташ
Права пуалтын ачамлан.
"Лу кӱштымым кӱлеш шукташ",–
Эр-кас ойла тудо мылам.
Библий ден воштончыш-икте,
Коктынат чыла ужыт.
Шӱм ден кап амыргымеке,
Шнуй яндар лияш ӱжыт.
Вӱдым, южым, кечыйолым
Тӧр права ден радамлем.
Кажне кечын йӱштылалын,
Кап-кылемым тазаҥдем.
Груша грушым шочыкта,
Олмапу олмам конда,
Ир пушеҥге – ир саскам,
Поро еҥ – еҥлан пайдам!
Дыня ден кавун – изак-шоляк,
Ик ача-аван ешыш пурат.
Икте-весе дене ӱй-мӱяк
Туныкта илаш Юмын мутшат.
Ер кылма гын, ий – пайда,
Масакым ужаш вашкем...
Ий кӱвар кӱжгӧ, кумда,
Ер ӱмбач лӱдде каем.
Ёлка, ёлка пеш мотор,
Потолок дене иктӧр.
Ёлкын имыже кошарге,
Шогылда тудо ужарге.
Жираф улеш кужу шӱян,
Сандене мӱндыркӧ тудлан коеш.
Айдеме гын? Тудо вуян!
Айдеме уш дене чыла ужеш.
Зоопарк улеш чынлен поян,
Чумыргеныт тӱрлӧ янлык-влак тышак.
Но пӱртӱс сандалык Юмынан
Тылечат улеш эше чот поянрак.
Ийготем изи гынат,
Кумалаш изи омыл.
Шнуйозам моктен мураш
Шуко кап-кыл вий ок кӱл.
Йылме, йылме, тый от лий гын,
Кӧ ойлен кертеш ыле,
Икте-весым колышталын,
Умыла ыле виге?
«Христос ылыжын» манмым таче
Тыштат-туштат ме колына.
Чыла еҥлан суап – Кугече:
Ӱшан пуалтын мыланна!
Лӱмдылтыш шӱмлан пеш кочо,
Лӱмдылтыш чылт шекш калта.
Лӱмдылтыш йолташын лӱмжым
Тегыт семын амырта.
Мӱй кочкаш вет йӧсӧ огыл,
Ямде мӱй кочкаш асат.
Мӱкш ончаш вет неле сомыл,
Кӧ ончен, чылан палат.
Нӧшмӧ мыйын уло урлыкаш,
Надыр семын луымшо ужаш.
Урлыкашым ончыч огыт коч:
Нӧшмым ӱдыде, нимат ок шоч.
Шоҥшым имыже сакла,
Черепахым – панцырь,
Кишкым – яд, шыҥам – кожла,
Кайыквусым – шулдыр.
Ойгышто, нужнаште
Юмын мутшо – эм,
Тудын лӱмжӧ – Башне,
Шылме сак-верем!
Ӧрт лекмеш лӱдаш ок кӱл,
Кеч пычкемыш лӱдыкта.
Ӱшанет гын, Юмын тул
Кече гай волгалтара.
Пылпомышсо Юмо-Ача –
Чыла ача-влаклан Ача!
Кунам мемнан ача-ава мала,
Юмо-Ача ок мале, арала.
Рушарня чынак шнуй кече,
Фабрика, завод кана.
Ятыр калык тиде кечын
Юмым черкыште жапла.
Суксо-влак каваште хор дене мурат,
Ныжылге йӱк дене Юмыштым моктат.
Мландысе йоча-влак, кушто коштыда,
Поро Юмын лӱмжым кӧ моктен мура?
Тик-так-лен шагат куржеш,
Омо веле тамлаҥеш.
Кӧ эрдене кынелеш,
Юмо деч чыла налеш.
Ушкал шӧран, поян ӱйлан,
Ӱмбалжым мый кочкын ом тем.
Чыла тиде Юмын сийлан
Кочмо еда «таум» ойлем.
Ӱстел коклаш кочкаш шинчаш
Йолко ӱжметым ок вучал.
Йолколанен яра шинчаш
Эре уло тудлан амал.
Физзарядка, физкультура,
Эр лупс дене куржталмаш
Вияҥда мускулатурым –
Шӱлышемым, икманаш!
Халва, кампетке, тамле шоколад
Кеч томсыклан пайда лийшаш,
Пайдаже шукыж годым мӧҥгешла:
Пӱйлан кугу зиян улмаш.
Цирк Эдем садер гаяк:
Тыште шучко янлык-влак,
Дрессировкым налытат,
Ир инстинктыштым мондат.
Чыным висыше прибор
Уло кап-кыл кӧргыштем.
Тиде совесть – шнуй орол –
Эскера мыйын шӱмем.
Шӱшпык садыште мура гын,
Чонетлан лиеш ласка.
Агытан эртак мура гын,
Тамле ометат кошка.
Щётка дене пӱйым эрыкташ
Изинекак тӱҥальым.
Шкемым тамле сай пушан кучаш
Налынам мый сугыньым.
ПєрЪеҥ – защитник,
Боец, салтак,
Суртлан священник,
Кӱртньӧ чарак.
Ырес – йоллан тошкалтыш,
Исус – чонлан омса.
Кавасе Кугыжаныш
Тыге йомшым вуча
У ден тошто кучедалыт,
У ден тошто таҥасат.
У ден Тошто СугынЬ веле
Икте -весыштым аклат.
Эҥертышем мыйын ӱшанле,
Ор семын пеҥгыдын шога.
Чын корно – Тудын флагше,
А лӱмжӧ – Юмо, Шнуйоза!
Юмын висаже – тӧр виса,
А шолыштшо шагал пышта.
Чын еҥ эре Юмым чесла,
Шояче гын кирым шӱта.
Языкын сынже тӱжвачын мотор,
Тамле олма гай шинчам йӱлата.
«Ядан саскаже, кудалте содор!
Эргым, ит коч», - ачан йӱкшо шокта.
Каныш кечын рушарнян
Чаҥ йӱк мӱндыркӧ йоҥга.
- Мо шот дене йӱк-йӱан?
- Черке калыкшым пога!
Кӧ Юмын чапле лӱмжым йӧрдымын куча,
«Юмончылно», «Юмашне» каласал,
Шала умша гаяк тудо мутым куча,
Кавасе Юмо ончылно шогал.
Кава ден мландым тӱкылаш
Сравоч пуалтын черкылан:
Сорла жаплан йӱрым чараш
Юмо сӧрен чын йодшылан.
Изи тӱняволгалтыш тылзе
Шем йӱдым волгыдо могай ышта.
Садлан, йоча, тыят лий ыле
Чыла вере пычкемышлан сорта!
Изи лум пырче йыл-йыл-йыл коеш,
Ончальым гын, пеледше лум кристалл!
Кожиме укш гай корешан рӱдеш
Сӧраллык шочылден, тӱран чылдар.
Ожно мода лийын сай,
Шергаш гай кӱлын ӓкай –
Кӧ ӓкай дене коштын,
Ойленыт: марлан лектын.
Чынак, айдеме ― шун кӧршӧк,
Кеч-мом шона, тӱжвач ок кой шор.
Лач Юмылан мемнан шӱм-мокш
Янда ате гаяк вошткойшо.
Шнуй Библий чын книга ―
Книга-влаклан Книга.
Лудмет деч ончыч тый кумал,
Да почылтеш тылат Юмын пиал!
Мут ончылно шоген ом керт,
Мый «пушкыдо» буква улам.
Кунам «шолЬо» «шоло» лиеш,
Тунам мый «кӱлдымӧ» лиям.
Ырес ― пу меҥге кап каргалтыш.
Ырес почеш эре шӱгар.
Ырес гоч ылыж толын илыш,
Ырес ынде святитлыше ӱзгар.
Кӧ первый финишыш толеш,
Тудлан награда пуалтеш.
Садлан арам тый южым ит кыре,
Эр физзарядкым чын ышташ тырше.
А мландӱмбалне лум тунар
Шиялге, эре, пушкыдо.
Ош лум гаяк чонат яндар,
Кунам гын тый денет Юмо.
Понравилось? Расскажи об этой странице друзьям!
Сайт развития ребенка Умные дети
На сайте развития ребенка вы найдете полезную информацию о обучение детей, о развивающих игр для детей, о раннем развитии ребенка, интересные статьи, а также полезные материалы для обучения. Все это на портале развития ребенка Умные дети.