На данной странице собраны познавательные стихи белорусских поэтов, которые расскажут малышам и школьникам много новой информации о стихах написанных на белорусском языке.

 

Маё цярпенне, мой крывавы боль –

Што значаць перад мукамі мільёнаў,

Дзе безнадзейны стогны родзяць стогны,

А слёзы грызуць вочы ўсім, як соль!

Хоць дух мой ўзносіцца пад неба столь, –

Як галавой аб мур, там б'е паклоны.

Але як мал мой гэты ўздых шалёны...

Мой крык перад малітвай свету – ноль!

 

 

Ісці да мэты — ўстаць да ўсходу

I даць зямлю адчуць нагам,

Ды, крышачы сцяну нягоды,

Ісці насуперак вятрам.

Няхай палохаюць віхуры,

Ты не мяняй кірунак свой,

Бо нават птушкі супраць буры

Сядзяць наперад галавой.

 

 

Сонца нiзенька зусiм

Па-над небакраем,

I, здаецца, можна з iм

Стрэцiцца за гаем.

Гаснуць промнi – i за лес 

Медны шар садзiцца

Адпачыць за ноч, каб лепш

Заўтра засвяцiцца.

 

 

Ідзе вясна ўжо, дзякуй Богу!

Згінуў снег з сырой зямлі;

Папсавала гразь дарогу,

Перавалы загулі.

 

Сонца грэе, прыпякае;

Лёд на рэчцы затрашчаў.

Цёплы вецер павявае,

Хмар дажджлівых нам прыгнаў.

 

Вось і бусел паказаўся,

Гусі дзікія крычаць,

Шпак на дубе расспяваўся,

Жураўлі ужо ляцяць.

 

I зіма, як дым, прапала!

Зелянее луг, ралля.

Як ад болю, ачуняла

Наша родная зямля.